أخبار الأندية المحلية

تصريحات مريم سيد لموقع عرب نيوز بعد حصول فريقها الطيران على الدورى الممتاز

فى حوار خاص لموقع عرب نيوز مع لاعيبة نادى الطيران لكرة القدم النسائيه مريم سيد الشهيره ب(ميكى) بعد فوز نادى الطيران على وادى دجله بنتيجة 2-0 فى اخر لقاء فى بطولة الدورى الممتاز والذى توج فيه نادى الطيران بالقب الدورى بعد 14 سنه.

ميكى شعورك بعد حصولك على اول دورى فى مسيرتك الكرويه

والله الحمد لله طبعااا بعد كرم ربناا الفرييق كلو تعب بالجهااز الفني وقابلنا مشاكل وصعوبات كتيير اوي بس الحمد لله طلعنا رجاله وقدهاوعدينا كل دا.

رغم الصعوبات الي بتواجهنا كل سنه من ظلم تحكيمي ف كل مباراه مع دجله وف المجال عمتا والاتحاد، بس قدرنا نحقق هدفنا الحمد لله وربنا كرمنا ومضيعش تعبنا.

ايه المشاكل اللى كنتو بتوجهوها هذا الموسم

ظروف الملاعب الوحشه والاصابات ونص الفريق متهيألي الاساسي مصاابين وظلم تحكيمي.

قبل لقاء دجله مين اللاعبين اللى كنتو عملنلهم حساب.

لا طبعا احنا الحمد لله مش بنعمل حساب لحد دجله طبعا فريق محترم واحنا عمرنا ما بنستهون بحد احنا بننزل نعمل الي علينا ونلعب رجاله ف الملعب ونموت ع الكوره والنتيجه دي بتاعت ربنا.

يعني الحمد لله، وف الاول والاخر الكره مكسب وخساره يعني.

ميكى حضور مجلس الجبلايه المباراه كان دافع ليكو ولا كان مقصر على تفكركم.

لا طبعا كان حاجه كويسه جدا ودافع كبييير لان جزء من حلمنا ان يكون في اهتماام بالكره النسائيه ف مصر واهتمام اعلامى.

ويكون لينا جمهوور عشان المجال ينجح وينتشر اكتر لان احنا مش وخدين حقنا خالص.

ايه اصعب مباراه وجهتكو فى الدورى.

اصعب مباره كانت مع كفر سعد لان الجو كان برد جدا ومطر جااامد والملعب وحش كان بظبط زي مباره الاهلي والزمالك الي فاتت شفتي الاجواء كانت زيها بظبط.

والحمد لله رغم كل دا قدرنا نرجع بالمكسب ونحصل على الثلاث نقاط.

ميكى فى مباراة دجله كان القلق والتوتر مسيطرين على المباراه وكنتو متقدمين بهدف واحد وكان فى احتمال كبير لرجعوع دجله فى لحظه من المباراه لحد الدقيقه ٩٠ دا كان مأثر عليكو.

اكيد طبعا كان ليه اثر كبير كمان بس الحمد لله ربنا مبيضيعش حق حد يعني وكرمنا ف الاخر.

كان ايه ردة فعلكو بعد ما عرفتو ان الاتحاد هيبدا يطور الملاعب و يستعين بمدربين اجانب للنشائن.

فرحنا اكيييد وبندعي ونتمني ان الكره النسائيه تاخد حقها وتتطور لان بجد والله بنتعب اوي بجد.

وكل الشكر لدينا الرفاعي ويكمل طريقها ع خيير يارب.

بجد بنشكرها من كل قلبنا ع التعب والمجهوود الي بتبذله عشان الكرة النسائيه توصل وتنجح ع خير.

بتفكرى تحترفى يا ميكى.

اكيييد طبعااااا وقريب ان شاااء الله انا ماشيه ف الموضوع.

لو جالك عرض من نادى تانى فى مصر تلعبى لنادى غير الطيران.

بصراحه لا انا حابه الطيران كا نادي وكا فرقه وعمري ما اطلب امشي مهما يحصل غير لو هما طبعا الي طلبه كده.

ميكى ايه اللى كان مميز فى الموسم ده وقدر بسببو الطيران يحصل على الدورى بعد ما دجله حصل عليه 10 سنين متتاليه.

السبب الحقيقى ان الموسم ده كان عادل للكره النسائيه.

فى المواسم الماضيه كان فى رشاوى تقدم للحكام و للاتحاد لتقديم المسعده والحصول على الدورى.

لاكن هذا الموسم فى عهد كابتن احمد شوبير و سيف زاهر موسم رأى عدل تحكيمى و منفسه شريفه .

وعشان كده الطيران حصل على الدورى ولو استمر هذا العدل اتوقع حصول الطيران على الدورى فى كل موسم.

واختتمت مريم سيد حديثها بتوجيه الشكر لموقع عرب نيوز قائله، موقع محترم وموثوق منه.

وشكرا طبعا لدعمكم لينا ووقفتكم مع الكره النسائيه وان شاء الله خير وربنا يوفق الجمييع.

الوسوم

شروق عبد المعطي

شروق عبد المعطي : كاتبة لها خبرة طويلة في مجال الويب و تعمل لدى شركة الوليد هوست وتهتم بكل ما يخص الرياضة المصرية و العالمية كما تهتم بأخبار الدوريات العالمية

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *